Hjá Lagnastöðinni bjóðum við upp á alla helstu pípulagningaþjónustu ásamt sölu á hágæða efni. Við erum staðsett í Njarðvík, en tökum að okkur verkefni víða um land.
Hafðu endilega samband og við finnum lausn sem hentar þér.
Um okkur
Haukur Hlíðar Ásbjarnarson er stofnandi og eigandi Lagnastöðvarinnar. Hann er löggiltur pípulagningameistari og hefur einnig lokið námi í byggingariðnfræði frá Háskólanum í Reykjavík. Pípulagnanámið stundaði hann við Tækniskólann, auk þess sem hann lauk A-réttindum í vélstjórn og stúdentsprófi frá Fjölbrautaskóla Norðurlands vestra.
Haukur hefur unnið sem pípari í yfir áratug, bæði á höfuðborgarsvæðinu og lengst af í Skagafirði. Hann starfaði einnig sem byggingariðnfræðingur í Reykjavík í eitt ár áður en hann ákvað að einbeita sér alfarið að eigin rekstri og stofnaði Lagnastöðina í árslok 2024.
Lagnastöðin býður upp á alhliða pípulagningaþjónustu fyrir einstaklinga, fyrirtæki og stofnanir, ásamt sölu á hágæða efni fyrir lagnaverk.
